Actividades extraescolares

Club de lectura
Coma tódolos anos se desenvolverá esta actividade que tanto lles gusta aos rapaces/as. A profesora avisa a aqueles rapaces do día no que se desenvolve a actividade, e envía a autorización á casa para que os pais/nais a asinen. Eses días os rapaces/as quedan a comer no Centro (ou levan a comida ou a encargan na cafetería) e, pola tarde, se reunen na biblioteca para ler e comentar o libro elixido. A actividade busca fomentar nos nenos/as o gusto pola lectura e compartir esta fantástica afición.

Teatro
Fai xa anos que se vén desenvolvendo esta actividade no Centro. Non son moitos os rapaces/as que se apuntan, pero os que o fan, repiten e repiten ano tras ano, o que quere dicir que o pasan ben e que lles gusta. A actividade de teatro é de balde, a ANPA fai unha pequena aportación pero debemos dicir que se leva tantos anos é polo afán do seu monitor, Fran Paredes, da compañía de teatro Ningures, de achegar o teatro aos xóvenes. Tódolos anos preparan unha nova obra de teatro que escenifican a finais de curso en varios escenarios de O Morrazo, xunto coas obras de outros grupos de teatro. Aquí vos deixo links para a Compañía de Teatro Ningures e para a obra "Fuxan os contos" feita o curso pasado no IES Johán Carballeira.

Obradoiro de Astronomía
Esta é unha nova actividade do Centro. Levarase a cabo nos recreos polo Departamento de Grego e Latín para todo o alumnado que se amose interesado, contará tamén con charlas e prácticas de observación do firmamento dirixidas polo profesor de Física da Universidade de Santiago de Compostela e se programará unha visita ao observatorio de Forcarei ou ó de Pontecladelas. Non vos poido dar mais datos, pero parece moi interesante.

Actividades no primeiro trimestre do IES Johán Carballeira

O resumo das actividades programadas polo Centro IES Johán Carballeira para este primeiro trimestre do curso 2013-2014 son as seguintes:

Samaín

• 1º e 2º ESO: Elaboración e exposición de cabazas, coa colaboración do Departamento de Lingua e Literatura Galega.
• 1º ESO: Decoración da entrada para o Samaín, coordinado polo Departamento de Artes Plásticas e coa colaboración do EDLG.
• CM Estética: Elaboración de máscaras para a celebración do Samaín, coa axuda do Departamento de Imaxe Persoal.

Celebración do Magosto
Haberá xogos organizados polo Departamento de Educación Física, música a cargo dun grupo de alumnos coordinados polo profesor Félix Boullosa e degustación de postres caseiros e castañas feitos polos alumnos de 4º da ESO.

Cross Solidario de Nadal
Co fin de colaborar coa ONG "Save the Children". Colabora Centro e ANPA.

Talleres para mellorar a convivencia no Centro
O departamento de Orientación, organiza durante o primeiro trimestre os seguintes talleres:

• 1º e 2º da ESO: Obradoiro de Resolución de conflitos.
• En titorías da ESO: Semana de prevención de riscos de internet.
• 3º ESO: Obradoiro de Sexualidade.
• 4º ESO: Obradoiro de Alimentación e Nutrición.
• 1º PCPI: Obradoiro sobre Hábitos nocivos.
• 2º PCPI: Obradoiro de Prevención de drogas.

Concursos, xogos, exposicións e mercadillos

• 2º e 4º da ESO: Deseño de carteis para o concurso sobre a violencia de xénero, organizado polo Departamento de Artes Plásticas.
• 1º e 4º da ESO: Concurso de felicitacións do Nadal, coa colaboración do Departamento de Artes Plásticas e o EDLG.
• Concurso de creación dunha mascota para a Biblioteca, coa axuda do Departamento de Artes Plásticas e o equipo da Biblioteca.
• Creación dun logotipo para o EDLG, coa cooperación do Departamento de Artes Plásticas.
• Exposición e obradoiro sobre os petroglifos, coa colaboración do Departamento de Clásicas.
• Mercadillo do libro usado nos recreos do 1º trimestre, para colaborar coa entidade "Save the children". Colabora o Departamento de Lingua Castelá e organiza o alumnado de 3º ESO.
• 2º ESO e 2º Bacharelato: Participación, para quen o desexe, na Olimpiada Matemática, organizado polo Departamento de Matemáticas
• Obradoiro e Campionato de xadrez nos recreos, organizado polo Departamento de Orientación.

Visitas

• CM Xestión Administrativa e CS Administración e Finanzas: Visita ao Xulgado do Social de Pontevedra, visita ao Parlamento de Galicia e ao Museo do Pobo Galego e visita ao Museo Massó de Bueu.
• Alumnado de francés de 3º e 4º da ESO e 1º e 2º de Bacharelato: Obra teatral no Auditorio de Bueu.
• Alumnado de latín, Grego e Música: Visita do músico grego Jristos Kanelos Malamás, organizado polo Departamento de Clásicas.

Conmemoracións

• 25 Novembro: Día da non violencia contra as mulleres.
• 1-11 Decembro: Constitución e Estatuto de Autonomía de Galicia.
• 10 Decembro: Día da Declaración Universal dos Dereitos Humanos.

Estas son as actividades que o Centro agarda facer durante este primer trimestre. Aló polo mes de decembro publicaremos as do segundo.

Saúdos!!