luns, 11 de xuño de 2018

ASEMBLEA FINAL DE CURSO

CONVOCATORIA DA ASEMBLEA XERAL ORDINARIA DO FINAL DE CURSO 2017-2018


Estimadas/os  nais e pais, convocámosvos á asemblea xeral ordinaria da ANPA. Calquera pai/nai/titor legal dun alumno/a do centro, poderá realizar peticións nas asembleas, expoñer calquera queixa, suxestión, etc. En calquera caso, as persoas non asociadas asistirán a asemblea con voz pero sen voto.


Data: Xoves 14 de xuño de 2018.
Hora: 20:00 h en primeira convocatoria ou 20:15 h en segunda convocatoria (de non haber suficientes asistentes na primeira).
Lugar: Salón de actos do IES Johán Carballeira.


Enlaces:

CONVOCATORIA 14 XUÑO 2018

ACTA ASEMBLEA 9 OUTUBRO 2017

BALANCE ECONÓMICO CURSO 2017-18

martes, 8 de maio de 2018

FOLGA ESTUDIANTIL 10 MAIO

O vindeiro xoves 10 de maio está convocada unha folga estudantes para protestar pola sentenza da Manada. Deixámosvos información sobre a convocatoria.

Enlaces:

http://www.sindicatodeestudiantes.net/

Folleto informativo das concentracións

sábado, 7 de abril de 2018

I FEIRA DA CIENCIA E LITERATURA DE BUEU

O vindeiro sábado 14 de abril, na Praza Massó, o IES Johán Carballeira celebrará a I FEIRA DA CIENCIA E LITERATURA DE BUEU, unha actividade aberta a toda a veciñanza que ten entre os seus obxectivos principais os de levar a ciencia e a literatura á rúa e amosar o traballo dos centros escolares de Bueu nestes eidos.
Dende a Anpa animámosvos a visitar, participar e colaborar con esta interesante iniciativa na que os e as protagonistas serán os vosos fillos e fillas. Aí van tres propostas de colaboración:
- DOAZÓN DUNHA CAIXIÑA DE CORES: No contexto da Feira, o centro doará á Cruz Vermella as bufandas solidarias que moitos e moitas fixestes nos últimos meses, libretas confeccionadas polo alumnado e tamén lapis de cores para cuxa recolección solicitan a axuda das familias.
- AXUDA Á ORGANIZACIÓN O XOVES 12 DE ABRIL: Este día precísase xente para cargar o material da Feira no camión que o transportará ata a carpa. A cita é as 8:50 do xoves 12 no instituto. Pensamos que o traballo levará menos de unha hora. As persoas que poidades vir, por favor avisade vía mail ou whatsapp á Anpa.
- AXUDA Á ORGANIZACIÓN O SÁBADO 14 DE ABRIL: Trátase de axudar a montar os stands e a decoración da Feira na carpa instalada na Praza Massó. As persoas que poidan deben achegarse sobre as 10 da mañá (confirmarase). Estimamos que a tarefa pode ocuparnos sobre unha hora. Igual que no caso do xoves, enviade unha mensaxe confirmando a vosa colaboración para que poidamos ter unha idea estimada dos que somos.
Deixámosvos un par de enlaces con máis información sobre o evento e o díptico no que se detalla o programa de actividades que atoparedes na Feira.


Lembrámosvos os datos de contacto da Anpa:
blog: anpajohancarballeira.blogspot.com
mail: anpa.johan.carballeira@gmail.com
tlf: 698 14 75 57


martes, 19 de decembro de 2017

CARREIRA SOLIDARIA SAVE THE CHILDREN

O vindeiro xoves 21 de decembro, coma en anos anteriores por estas datas, vai desenvolverse unha carreira solidaria, organizada polos IES Johán Carballeira e Illa de Ons, coa colaboración das súas respectivas ANPA e mailo Concello de Bueu, coa finalidade de recadar fondos  para a ONG Save The Children. A carreira, na que participan entre 200 e 300 alumnos e alumnas, comezará ás 10 h. e transcorrerá polo circuito disposto entre os institutos e o cruce do Centro de Saúde.

A Anpa estará colaborando na organización da carreira dende as 9 ás 11 da mañá. Os nais e pais que poidades vir botar unha man, por favor enviade unha mensaxe de confirmación ao mail ou tlf da Anpa.

ANPA DO IES JOHÁN CARBALLEIRA DE BUEU
698 14 75 57

venres, 24 de novembro de 2017

BUFANDAS SOLIDARIAS

Dende a biblioteca do instituto propóñenos un xesto de solidariade cos nenos e nenas refuxiados, a elaboración de bufandas solidarias encriptadas nas que puidera lerse, en código Morse, a palabra PAZ.

A idea xurdiu da lectura da novela de Susana Fortes "Septiembre puede esperar", na que se fala entre outras cousas do papel da muller nos conflitos bélicos e das inxenionas maneiras de transmitir información que permitía o alfabeto Morse.

A biblioteca anima a pais, nais e cidadanía en xeral a sumarse a esta iniciativa solidaria, confeccionando as bufandas de acordo coas instrucións que se achegan embaixo, antes do mes de abril do ano que vén.

Podedes ampliar a información no seguinte enlace do blog da biblioteca:
http://bibliotecajcarballeira.blogspot.com.es/2017/11/bufandas-solidarias-encriptadas.html


martes, 14 de novembro de 2017

FOLGA 16 DE NOVEMBRO




Este xoves, 16 de novembro, a organización estudiantil Erguer!, co apoio entre outros colectivos, da Plataforma Galega en Defensa do Ensino Público, convoca unha folga no ensino para reclamar a derogación da Lomce e a posta en marcha dunha Lei Galega de Educación.

Deixámosvos un enlace á web do colectivo organizador:

http://erguer.gal/gl/folga-o-16-de-novembro/

mércores, 4 de outubro de 2017

CONVOCATORIA DA ASEMBLEA DO INICIO DO CURSO 2017-2018


Estimadas/os  nais e pais, convocámosvos á asemblea xeral ordinaria da ANPA. Calquera pai/nai/titor legal dun alumno/a do centro, poderá realizar peticións nas asembleas, expoñer calquera queixa, suxestión, etc. En calquera caso, as persoas non asociadas asistirán a asemblea con voz pero sen voto.


Data: Luns 9 de outubro de 2017.
Hora: 20:30 h en primeira convocatoria ou 20:45 h en segunda convocatoria (de non haber suficientes asistentes na primeira).
Lugar: Salón de actos do IES Johán Carballeira.


ORDE DO DÍA:

  1. Aprobación, se procede, da acta da asemblea anterior, celebrada o 15 de xuño (dispoñible para a súa consulta no blog da Anpa).
  2. Renovación da xunta directiva da Anpa e elección do seu representante no Consello Escolar do centro.
  3. Informe do Banco de libros do presente curso.
  4. Informe en relación á colaboración na adquisición dunha axenda para o alumnado de 1º ESO.
  5. Informe do tratado no último Consello Escolar do 2 de outubro.
  6. Outros asuntos.


ANEXOS:

Convocatoria da asemblea 9/10/17

Acta da asemblea anterior (15/06/2017)